Ensemble van die Ferapontof-klooster* | |
---|---|
Unesco-wêrelderfenisterrein | |
![]() | |
Die onherbergsaamheid van die Russiese Noorde het gehelp om die Ferapontof-klooster sedert die 17de eeu behoue te laat bly. | |
Posisie van die Ferapontof-klooster in Rusland | |
Koördinate: 59°57′23″N 38°34′03″O / 59.95639°N 38.56750°O | |
Lande | ![]() |
Tipe | Kultureel |
Kriteria | i, iv |
Verwysings | 982 |
Streek† | Europa |
Inskripsiegeskiedenis | |
Inskripsie | 2000 (24ste Sessie) |
* Naam soos dit in die Wêrelderfenislys verskyn. † Streek soos deur Unesco geklassifiseer. |
Die Ferapontof-klooster (Russies: Ферапонтов монастырь) in die Wologda-oblast in Rusland is een van die beste oorblywende voorbeelde van Russiese Middeleeuse kuns, die rede wat Unesco gegee het vir die plasing van die klooster op sy wêrelderfenislys.
Die klooster is in 1398 deur Sint Ferapont gestig in die onherbergsame Russiese Noorde. Die oudste gebou is die Katedraal van die Herkoms van die Maagd (1490) en dit het die beste bewaar gebly van die drie susterkatedrale wat in die 1490's in die streek gebou is. Al die binnemure is bedek met skilderings deur die beroemde Middeleeuse skilder Dionisius. Tsaar Iwan die Verskriklike het dit self dikwels besoek.
In die Tyd van Beroeringe is dit kwaai deur die Pole beskadig, maar daar herbou en verskeie geboue is bygevoeg. Die kerktoring se klokke is vermoedelik die oudstes in Rusland.
Namate die klooster ’n al hoe minder belangrike godsdienstige instelling geword het, het dit ’n plek van verbanning vir kerklikes soos patriarg Nikon geword. Dié praktyk is in 1798 deur tsaar Paul stopgesit, dit het in 1904 weer ’n klooster geword, is 20 jaar later deur die Bolsjewiste gesluit en is in 1975 in ’n museum verander.
Die museum is sedert 1991 deel van Russiese Noorde- Nasionale Park.
© MMXXIII Rich X Search. We shall prevail. All rights reserved. Rich X Search